Rumahpanjai majak panjai..Ooohhaa!!

Kurang ari 2 bulan versi tebaru rumahpanjai tu udah dientakka, nyu majak panjai, majak mansang. Anang irau, nuju sapa ke bedau nangkir sama enggau kami, anang kakang ati, agi bisi tanah endur berumah.

Besai terima kasih kelebih agi nuju bala raban, ke semampai nyukung serta besaup negi ke rumahpanjai, bebai bala sama nangkir serta sama bela nyaga pengelikun rumahpanjai dot com.

Bah..ti nuan bedau nangkir sama enggau kami..anang laun..

Naka tu dulu..

Mupuk!

Rumahpanjai.Com - V.2008

Nyangka mayuh sekeda raban agi enda pasti pasal website rumahpanjai.com, bakanya tu meh, pala tangga baru rumahpanjai.com.

Ngarap ke semua raban, ulih sama bela register ba ruai baru, ti ngembuan mayuh agi keresa ke diasai cukup beguna ngagai bala raban semua.

Tesau semua kaban belayan, sama enggau kami ba rumapanjai.com

Terima Kasih.

!@#$*&^#^$%!!

Akaidaii!..ngelu diri pala saritu. Mayuh pengawa ba upis. Bisi aja ulih bala user, ka nganu enggai ga nyadi, sampai ka tetiap ari madah utai ke sama.

Kelimpah ari nya, pengawa saritu tadi iya nya, nguji ngaga script dikena ba server. Tu dikena ngaga 'Copy' backup tape. Laban setiap sebulan sekali ngaga backup ke offsite storage, kelimpah ari daily backup. Monthly backup simpan ba bank. Script dikena copy tape ba local udah bisi, tang dikena ngaga cross server nya ke bedau. Ngambi enda kiruh bepasuk ke tape kin kia.

Reti iya, loader server1 siti nyadi 'source' lalu loader ba server2 nyadi 'destination'. Ngelu ga pala berunding ke utai tu, laban ke enda kala ngaga. Tetiba diasuh ngaga script ke tu. Kira ngena batch file meh. Lemai tu tadi ngetu dulu. Pagila nyambung baru, laban server ke ka endur aku nguji, benung bejalai ke daily backup. Enda nemu meh bakani pengujung pengawa tu ila. Enda kala ngaga.

Pengawa ke mit² nya, enda alu tusui ditu..alah enda..Kira naka tu dulu meh.

Mupuk!