Belelak dulu

Saritu diau ba rumah aja, enda nurun kerja sementara ke ngepun ke pengawa ba endur baru (WD Media (M) Sdn. ari 1 minggu ka datai tu. Nadai pengawa, segau-segau sebelah rumahpanjai, macha blog bala kaban sambil ninga lagu ba youtube.Bakatu meh gaya upis kami sida marvelloushz ba Muara Tabuan ..hah!..nenako!. pssst!!!.. Ti maya kami sebuat nadai mindah. Sigi segau-segau ba menua siber aja meh pengawa. Klik din, klik ditu..

Enda ga nyengala canggih perengka ke dikena, tang ti naka dikena ngaga kerja, merindang ati ba rumah, sigi nadai penanggul. Laban modem/router kami ke ukai wireless, peda cable, nyu tusut baka randau kayu. Bah..naka tu dulu.

Tau Mai Pemanah, Tau Ga Mai Penusah?!

Maya ari ke balat endar panas tauka angat, enda² pan ulih ga nyelap ke mimit, ketegal dilindung dan serta daun ari pun kayu. Tang, ti maya ari ujan, kudi balat? Rawan ga ati maya ke betengah ke jalai alun, kelebih agi ba nengeri, ke sema baka ba Kuching ditu.

Sekeda pun kayu nya, udah kelalu tuai, tinggi, serta mayuh dan² ke nyu udah ka mati, tauka mati. Selalu mega tepeda ke dan² ke mit tekait ba tali elektrik. Uji berati, ti maya kudi, ujan lebat, ribut balat, dan kayu enda disangka-sangka tau patah, labuh ngagai jalai alun serta tau mai penusah ngagai bala kitai ke benung nengah jalai nya.

Kala ga tepeda ke lori kontena nyu labuh kontena ke dibai, ketegal tekait ba pun kayu. Uji kitai ngenang orang ke entudi kontena nya..bebadi ngapa..kala dipeda mata aku empu. Bakani neh? takut ga laban pun kayu tu.

Tang bisi sekeda agi meda, bisi udah ditebang orang, lalu ditanam ke enggau bunga² ke enda entu tinggi, manah iya dipeda.

Sama² meh bejimat maya betengah ke jalai alun, anang enda malik kanan, malik kiba..

Nama runding?

Maya Kerja, Maya 'Lepak'

Datai ba upis kira pukul 10 lebih pagi tu tadi, laban ke limpang ke klinik. Datai lalu dibai bala tu limpang ngagai boulevard, ketegal nukar & setting CCTV system din. Udah tembu pengawa, kami sebuat lalu berunding ka 'ngisi gelung'..hah! dah!!..

Nadai bukai perening mensia, semua lekat ba KFC. Aku tu nitih ke orang aja. Ka pan enda. ON aja lahh..!!..Dah abis makai..dua iku lalu lesap ngabas ular ke ditupi seduai iya, aku serta 2 iku kaban lalu mulai ke diri ngagai upis..ish!!..enda abis² cerita sida tu, cerita berisi & cerita kosong!..

Mupuk!!

CNY 2008

Video: Tengah malam 6hb Feb 2008.

Sepemanjai kemisi Taun Baru Cina tu tadi, bisi bejalai ngabang ngagai rumah bala kaban ke sama enggau kerja. Nyu ari ketiga bala sida ke beraya. Ari ke 1 & ke 2, nadai mindah, diau di rumah aja, enda nyamai endar ka mindah, ari selalu ujan.

Sekeda ari 'warna-warni' maya pengerami taun baru cina 2008.

Pejalai Ke Sarikei

Sound Mode: OFF

Kena ari 5 enggau ari enam, minggu tu tadi, bisi rembus ngagai menua Sarikei enggau 2 iku technician ketegal ngadu sekeda keresa CCTV/Server ba Bank Rakyat.

Lelak ukai nama, nyu abis serantu jalai. Pia mega, enggai entu nyadi mejam ke mata dalam van ke dikena kami 3. Kelalu laju bai seduai tu, nyu sampai 140km/j..abis meter munyi ko org tuai, fuh!!..mentang-mentang lah van company..

Hah dah! sempat ga ngambi gambar..

Nya meh kebuah nadai entu online berapa ari ti udah, ketegal ke bejalai kerja kin. Tu kira ke kena update blog aku tu meh..

Nya aja..mupuk!