Selamat Hari Gawai 2008..Oohhhaa!!

Meri selamat nyambut hari gawai, ngagai semua bala kaban ba menua 'cyber'. Sekalika udah kala betemu mua tauka enda.

Ngajih ke hari gawai taun tu meri berkat serta pengelantang ke diri sebilik, pia mega kaban ke semak enggau kitai begulai. Jaku sampi nadai panjai ari aku, semina; 'Gayu Guru, Gerai Nyamai'.Pesan: Bejimat maya mai kerita ti maya pulai ke menua, ti menua jauh, ngetu serantu jalai. Pia mega ti maya ngabang ngagai kaban belayan, anang nadai 'spare' deriba.

Ooooohhhaaaaa...!!!!

Pra-Gawai?! Tumu ga?

Malam 29hb 4, maya off day 4 ari minggu tu tadi, bisi pulai ke menua. Betul endar ga, bisi pengawa diatur bala tuai rumah, kena ngelalu ke penatai sekeda temuai ke rumah panjai (org ari upis perintah). Rami endar bala serumah malam nya.

(Sekeda bala ke benung ransing ngansar ke kaki)

Bisi sekeda bala, madah pengawa tu, kira ke pra gawai, renggat ke terubah kenu ko. Berapa renggat enda? fuh!..hebat!Beer, whisky, langkau & ijok bisi dibantai bala serumah malam nya. Aku bendar ga ngelipak ke enggai ke kena tinggang atap langkau serta pun ijok, balat endar puput ribut, enda alah tumbang ngapa...hah!.

Steady, aya, ibu, aki ini, bala bujang enggau dara, enggai alah laban pangan diri, mantai ke pengelandik diri..poco-poco, enda tau tinggal pengawa tu. Rindu meda bala sida, betundi begagai enggau pangan diri.

Malam nya, betul ga, kaban lama, BujangLemanak serta KumangSebayan bisi datai nemuai kia, nama agi deh..ngasak amat!..

p/s: Quality gamabr enda entu manah..paham-paham meh, begetar jari megai camera..hah!

OK..naka tu dulu, ila-ila, nyambung baru..mupuk!