Lama ga enda update blog. Kebendar iya, mayuh mega cerita ka dikunsi enggau bala kaban ke serta bala temuai ke bisi datai ngabas blog aku tu. Tang sekeda aja dibantai ke ditu.
Keterubah, penatai orang baru, iya diberi aku nama Constantine Danggat, ada kena 28/5/2008 pukul 5:54am ba SGH Kuching.
Dah nya kitai sama bela nemu, ujung bulan 5, bala kitai kisuk nyedia ke diri nyambut hari gawai. Mayuh cerita, tang enda ulih ditusui ditu magang.Kena ke 7/6/2008, bala raban rumahpanjai.com, bisi ngadu gempuru dikena nyambut ulangtaun ke-5 penatai rumahpanjai.com ba menua siber. Sekeda ari gambar ke ulih dikunsi ditu:
Udah nya, kena malam 12/6/2008, bisi lepak sekejap enggau bala sida Apaiumbart, JamiroQuay, BujangLanjau, Apaiserani serta 2-3 iku kaban bukai ba FFC. Laban sida tu nadai enggau maya pengerami ulangtaun rumahpanjai.com.
Pengawa ke mit-mit nya mayuh amat, semuti ke enda tetiap ari..hah!..sigi baka, agi gawai 'mood'.Kira naka tu dulu meh, ila-ila nyambung baru. Sambil ke meda org main bul tu.
Mupuk!
